La plòv e la fai solelh
E la rana ilh zompa a l’òrt
E lo babi se tròva mòrt
Darrei la pòrta nòstra

Ovè, ovè, ovè
Maç de gilhs e coccovè
Coccovè a nhun a nhun
Maç de gilhs a dui a dui

Ma maire ilh vai a Chitrale,
E me chata un bedde catrale,
E li clave la coppolilla
Corri, corri a la plaça pendin

Lintèrna ma lintèrna,
E lo mich de patinelha,
E la cova ilh es de palha
E lo mich de varvaralha

Chicala ma chicala,
Escoba-me la casa,
Que te done pan e caç,
E se tu me la escobes pas bon
Mi te tapo dal balcon

Armadas son las galèras
Armadas son sus la mar
Lo nòble rei de Sevilha
Qu’ei lo qui las hè marchar

Repic :
Lhevat s’ei lo vent de bisa
Lhevat s’ei lo vent de mar

Sèt ans qu'an vogat sus l'aiga
Shens jamei tèrra tocar.
Mes a la ueitau annada
De qué víver que mancà.

Lavetz los papagais minjèn
Qui tant plan sabèn parlar
E los hasans qui, a l'auba
E sabèn cantar tant clar

-Armanhac, ditz lo pilòte
Ara ei tu qui vam minjar.
- Non haratz aquò monsénher
Car de jo qu'auratz pietat.

De bon matin me soi levat
Pus matin que l’aubeta
Pus matin que l’aubeta iè
Pus matin que l’aubeta

Dins mon jardin me soi anat
Per culhir la violeta

Ne’n aviái pas culhida una
Ma maire m’apelava

Filha, Joana, venètz, venètz
Vos cal anar a l’aigueta

Ma maire l’aiga n’es pas luènh
Serai ben lèu tornada

Filha Joana, l’avètz aquí
Endurmi(da) sus l’erbeta

Lo destaqui mon davantal
Lo i ai mes sus la tèsta

Elàs mon diu, qual es aquò
Que tormenta ma tèsta ?

Mon bèl amic coneisses pas
La Joana tant aimada ?

Ma tant aimada non sètz pas
Jamai vos ai aimada